Мар’юш Франкоўскі жыве ў польскім Беластоку і размаўляе па-беларуску.Аўтамабілі для гонак ён канструюе разам з сябрамі па вучобе.
Мар’юш – студэнт Беластоцкае палітэхнікі і чалец каманды «Цэрбэр Мотарспорт». Сваймі аўтамабілямі ён пасля кіруе на спаборніцтвах па ўсёй Еўропе. Здымачная група «Беларускага свету» сустрэлася з таленавітымі канструктарамі на адным з гонкавых трэкаў у Беластоку.
Адкуль у хлопцаў грошы на такі дарагі спорт, глядзіце ў трэцім сюжэце праграмы з 13:14 хвіліны (відэа вышэй).
Таксама ў праграме «Беларускі свет»:
Тэатральны фестываль «Одэ» – візітная картка Падляшша
Пяты тэатральны фестываль «Одэ» адбыўся ў Падляскім ваяводстве Польшчы.
Гэта перадусім беларускамоўныя спектаклі ў некалькіх гарадах Падляшша, аўтарскія сустрэчы, тэатральныя майстар-класы. Адзін з удзельнікаў фестывалю – тэатр «Горад сяброў» з Менску з пʼесаю «Не хачу быць прынцэсаю».
Пра фестываль «Одэ» гутарым з нашаю госцяю. У студыі – Ёанна Троц, ініцыятарка і арганізатарка гэтае падзеі.
