У савецкай Беларусі было прынята разбурэнне помнікаў архітэктуры звальваць на нямецка-фашысцкіх акупантаў. Але элементарны падлік паказвае, што найбольш гістарычнай архітэктуры ў краіне знішчыла камуністычная ўлада пасля Другой сусветнай вайны.
Гэта добра відаць на прыкладзе Горадні, якая лічыцца найбольш захаваным горадам у Беларусі. Але і тут пералік разбурэнняў уражвае: ад знішчэння цэлага гарадскога квартала XVII–XIX ст. для ўзвядзення будынку аблвыканкаму да зносу дамкоў майстроў, пабудаваных у часы Антонія Тызэнгаўза, ад ўзарвання фарнага касцёла ў цэнтры да высечкі каралеўскіх паркаў у прыгарадах. Загадкавым чынам разбурэнне гораду працягнутае і ў незалежнай Беларусі.
Праграма «Загадкі беларускай гісторыі» выходзіць на «Белсаце» кожны панядзелак а 18:45. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
