Афіцэры падчас пратэстаў хавалі форму ў пакетах: інсайды ад «BYPOL» у праграме «Беларускі свет».
Аляксандр Азараў – былы работнік ГУБАЗіК пры МУС РБ. Афіцэр міліцыі, які перайшоў на бок дэмакратычных сілаў у выніку палітычнага крызісу ў Беларусі. Сёння ўзначальвае арганізацыю «BYPOL» – беларускую ініцыятыву, створаную былымі супрацоўнікамі сілавых структураў для супрацьдзеяння ўладам Беларусі.
«Мы з 2020 года пабудавалі магутную арганізацыю, якая складаецца з дзейных і былых сілавікоў. А таксама грамадзянскіх асобаў, якія нам дапамагаюць. Арганізацыя складаецца з 600 чалавек, большасць з якіх застаецца ўнутры краіны. Частка з іх працягвае служыць. Мы заклікалі сілавікоў не звальняцца, бо звальненне не мае сэнсу. Нашая задача цяпер – стварыць ячэйкі на тэрыторыі Беларусі».
Аляксандр Азараў дае асабістыя гарантыі сілавікам і амністыю тым, хто не браў удзелу ў рэпрэсіях, а працаваў з «BYPOL» ці палком Каліноўскага.
Таксама ў праграме «Беларускі свет»:
- Беларуская студэнтка-мастачка ў Мюнхене
- Невялікая вёска Волька-Выганоўская ў Падляскім ваяводстве Польшчы з велічнаю гісторыяй
