Што Азаронак падказвае Лукашэнку? Чаму РПЦ – ракавая пухліна праваслаўя? Ці могуць у Беларусі скончыцца рэпрэсіі? Як кітайцы выратуюць расейскі аўтапрам?
Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»:
Валянціна Вештарт, эканамічны аглядальнік:
- У Беларусі ўжо няма, каго рэпрэсаваць, але ж сістэме рэпрэсаваць кагосьці трэба
- Людзі не сталі думаць іначай, чым у 2020 годзе
- Расейцы кажуць, што яны ўсё вытрымаюць – не такое, маўляў, вытрымлівалі
Антоній Гівойна, грамадскі актывіст і валанцёр:
- Бамбардаваны Харкаў выглядае лепей, чым некаторыя гарады Мурманскай ці Смаленскай абласцей
- Лукашыстам падабаецца такая віртуальная вайнушка, калі не прыязджаюць двухсотыя і трохсотыя
- Расейцы цяпер не ездзяць на гару Афон, бо грэкі для іх цяпер некашэрныя
Фёдар Паўлючэнка, галоўны рэдактар REFORM.BY:
- Сілавікі Лукашэнкі змагаюцца супраць беларусаў па нацыянальным прызнаку
- Бяспраўе можа справакаваць людзей на гвалт супраць чыноўнікаў і сілавікоў
- У Беларусі змогуць арганізаваць паломніцкі турызм для расейцаў у месцы, дзе жыў Сувораў
Віталь Цыганкоў, вядоўца «Размовы» на «Белсаце»:
- Лукашэнкавы сілавікі – проста шаўкі, выконваюць загад зверху
- Макей цяпер – міністр ніхто, а не міністр замежных справаў
- Паводле логікі сучаснага кіраўніцтва РПЦ, кананізаваць трэба Сталіна і Берыю
- Спачатку сілавыя структуры робяць рэчы, а потым прыдумляюць законы
Калаж з фота: : Sergei Karpukhin / TASS / Forum; SPASIYANA SERGIEVA / Reuters / Forum