Слова «Русь» – адно з найважнейшых у гісторыі нашага рэгіёну. Яно ёсць у назве Беларусі, яно схаванае ў найменні «Расея». Пры гэтым зямля, што мае на гэтую назву найболей правоў, называецца Украінай. Як так сталася?
«Русь» – таямнічае слова, дзеля якога народы гатовыя мяняць назву сваіх дзяржаваў.
Сярод украінцаў ёсць прыхільнікі іншае назвы Украіны. Напрыклад, Аляксей Арэстовіч часам выходзіць на публіку ў футболцы з надпісам «Русь Украіна». Украінскі гісторык і старшыня Цэнтральнае рады УНР Міхайла Грушэўскі (1866–1934) назваў сваю кнігу пра гісторыю Украіны «Гісторыя Украіны-Русі».
Сярод беларусаў трываюць спрэчкі, як мае называцца нашая краіна: Літва – ці Беларусь.
Назва «Расея» – гэта ўвогуле Русь, толькі па-грэцку. Але як так сталася, што Масковія пераўтварылася ў Рускую дзяржаву, каб потым зрабіцца Расейскай імперыяй?
І што за назвы: Малая, Вялікая, Чырвоная, Чорная, Белая, Літоўская і Каронная Русь?
Разабрацца ў гэтых усіх пытаннях вельмі важна для нашае ж бяспекі, лічыць аўтар і вядоўца праграмы, гісторык Цімох Акудовіч.
«Адна з умоваў спакою ў нашым рэгіёне – пазбаўленне Масквы яе гегемоніі ва ўсіх сферах, у тым ліку ідэалагічнай гегемоніі на фантастычна вялікую спадчыну, што хаваецца ў слове «Русь», – мяркуе Цімох Акудовіч.
Якая ж гісторыя назвы Русь?
Праграма «Вусы Скарыны» выходзіць на «Белсаце» кожны панядзелак а 18:35. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
