Беларускія ваяры, валанцёры ды іхныя сваякі апавялі, на якія патрэбы добраахвотнікаў збіраюцца грошы. Вашае ахвяраванне будзе не толькі падарункам беларусам на фронце, але і ўнёскам у вызваленне Беларусі.
У гэтым адмысловым выданні героі нашых праграмаў апавялі, на якія патрэбы беларускіх добраахвотнікаў ды іхных сем’яў абвешчаныя розныя грашовыя зборы.
Полку Каліноўскага і Першаму інтэрнацыянальнаму легіёну патрэбныя дроны і аўтамабілі. Гэта расходны матэрыял, таму вельмі хутка выходзіць з ладу, губляецца, нішчыцца ворагам.
Першы інтэрнацыянальны легіён – падраздзяленне, дзе плячо ў плячо з расейскімі захопнікамі б’юцца добраахвотнікі з розных краінаў. Дарэчы, неяк мы размаўлялі з грузінамі, якія служаць у гэтым падраздзяленні.
Падрабязна аб працы падраздзялення БПЛА нам апавядаў Сава. А пра машыны медычнай эвакуацыі – кіроўца медэвака Сыты. Надзвычайную гісторыю ўратавання Ваўкалака, у якога пасля ранення надоўга прапаў пульс, апавяла кіраўніца медычнай службы каліноўцаў Север.
Збіраюцца грошы і на падтрыманне сем’яў беларускіх добраахвотнікаў. Асабліва напярэдадні святаў.
«Вядома, для дзяцей атрымаць ад Мікалая падарункі надзвычай каштоўна, бо яны ўсё яшчэ вераць у цуды і ў тое, што яны былі паслухмяныя і атрымаюць кніжкі, цукеркі, як і мае быць», – кажа Алена Гергель, удава Васіля Парфянкова (Сябро).
Старшыня ўкраінскага фонду «Вольная Беларусь», кіраўнік беларускага крызіснага цэнтру ў Львове Аляксей Францэвіч анансаваў старэнне Беларускага цэнтру нацыянальнай памяці ва Украіне, каб увечніць памяць усіх загінулых беларускіх герояў, якія аддалі жыцці тут, ва Украіне, пачынаючы з 2014 года.
«Я б хацеў ад імя сваіх пабрацімаў з «мінамёткі» батальёну «Волат» павіншаваць усіх беларусаў з хуткімі святамі, – віншуе суайчыннікаў камандзір мінамётнага разліку Салам. – Зычу нам усім у наступным годзе стаць яшчэ бліжэй да нашай агульнай перамогі! Да таго моманту, калі ўсе нашыя сябры, знаёмыя ці проста людзі, пра якіх мы чыталі ў інтэрнэце, нарэшце выйдуць з турмы, і калі нашая краіна зробіцца сапраўды вольная! Жыве Беларусь!»
Праграму «Ваяры» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
Калаж з фота: 93-тя ОМБр «Холодний Яр» / Facebook; Полк Каліноўскага / YouTube