Хто можа вымусіць Лукашэнку пачаць перамовы з народам пра перадачу ўлады? Як вышэйшая наменклатура і шараговыя чыноўнікі бачаць сваё месца ў новай Беларусі? За што Анатоль Лябедзька атрымаў на гэтым тыдні медаль? За што зноў пасадзілі Чыжа? Куды коціцца беларускі футбол? На гэтыя ды іншыя пытанні вы пачуеце адказы ў чарговым выданні праграмы Змітра Міцкевіча «Без акрэдытацыі».
Гэтым разам гасцямі праграмы сталіся журналістка Reform.by Ірына Купцэвіч, кіраўнік цэнтру «Еўрапейскі дыялог» Анатоль Лябедзька і журналіст газеты «Прессбол», а таксама працаўнік НФК «Крумкачы» Сяргей Южык.
Ірына Купцэвіч:
Некаторыя чыноўнікі самі агітуюць суседзяў і сяброў падтрымаць Ціханоўскую на платформе «Голас».
Абудзіліся людзі, якія маўчалі ўсю зіму.
Магчыма, сітуацыя ў дзяржаўных кабінетах лепшая, чым шмат каму здаецца.
Анатоль Лябедзька:
Лукашэнку да перамоваў могуць толькі прымусіць, па сваёй волі ён ніколі на дыялог не пойдзе.
Я асабіста бачыў бізнесоўцаў, якія сядзелі ў турме толькі за тое, што не згаджаліся выплаціць канкрэтную суму КДБ.
Улада трымаецца толькі таму, што можа даць амапаўцам 10 кілаграмаў мяса і кватэру.
Сяргей Южык:
Чыжа апошнія гады ў медыяпрасторы не было. Ад яго, пэўна, патрабуюць грошай.
«Крумкачы» чакаюць ад УЕФА санкцыяў у дачыненні Беларускай федэрацыі футболу.
Галоўны трэнер нацыянальнай зборнай па футболе дагэтуль не можа прызнацца, што гуляў дамоўны матч 30 гадоў таму.
Цалкам праграму «Без акрэдытацыі» глядзіце ў YouTube праз спасылку.
Калаж з фота: Lisi Niesner, Reuters / Forum