Ужо маленькаю дзяўчынкай Аліна Коўшык спрабавала змяніць сітуацыю, калі ўсе навокал гавораць на сваёй мове, і толькі беларусы карыстаюцца расейскаю. А сёння яна – прадстаўніца па нацыянальным адраджэнні ў Аб’яднаным пераходным кабінеце Беларусі (АПКБ).
У Аліны Коўшык было мала шанцаў вырасці беларускамоўнаю. Здавалася, яна, хутчэй, вывучыць кіргізскую, чым беларускую мову. Ды Аліна з дзяцінства задавалася пытаннямі, якія зрабілі з яе патрыётку Беларусі.
«Шукайце – і знойдзеце». І Аліна знайшла. Дапамаглі і школьныя настаўніцы, якія пазнаёмілі сваю вучаніцу са светам беларускай паэзіі. Дапамог і школьны музей Яўхіма Карскага, этнаграфічныя даследаванні каторага дазволілі пазней акрэсліць карту БНР. Дапамагла і кніга Уладзіміра Арлова «Адкуль наш род».
Вядоўца праграмы Віктар Шукеловіч атрымаў ад Аліны падарунак – перакладзеную на беларускую мову кнігу Марыі Кунцэвічовай «Два месяцы». Кніга была выдадзеная ў рамках аднаго з праектаў АПКБ. Іншая ініцыятыва – стварэнне Інстытуту беларускай мовы за мяжой.
Падрабязней – у нашай праграме.
Завітаць = зайсці
Скарб = багацце
Асабіста = персанальна
Каштоўнасць = цэннасць
Паветра – рус. воздух
Найцудоўнейшы = самы цудоўны
Натуральны – рус. естественный
Мілагучны = пявучы, меладычны
Зносіны = камунікацыя
Узмацняць = рабіць больш моцным
Штодня = кожны дзень
Дазваляць – рус. разрешать
Супольная хваля – рус. общая волна
Асоба = чалавек
Шлях = дарога
Нямеччына = Германія
Адасоблены = адмежаваны
Узгадкі = успаміны
Не хлусіць = гаварыць праўду
Дакладны = канкрэтны
Калыханка – рус. колыбельная
Свядомы – рус. сознательный
Атачэнне = акружэнне
Спрыяць – рус. способствовать
Занадта – рус. слишком
Ганарыцца – рус. гордиться
Падкрэсліць – рус. подчеркнуть
Улюбёны = любімы
Хараство = прыгажосць
Шчырасць – рус. искренность
Істотна = важна
Падмурак = фундамент
Асобны – рус. отдельный
Акрэсліць = вызначыць, назваць
Мапа = карта
Вар’ятка = ненармальная
Досвед = вопыт
Друкар – рус. печатник
Выдавецтва, выдаўніцтва – рус. издательство
Накірунак = напрамак
Прыгоды – рус. приключения
Затрашаны = напужаны
Мусім = павінны
Паштоўка – рус. открытка
Захавацца – рус. сохраниться
Перакананы = упэўнены
Бяспека – рус. безопасность
Дбанне = клопат
Супольнасць = група людзей
Неўзабаве = хутка
Выбітны = выдатны
Злучаныя Штаты = Амерыка
Паўстаць = з’явіцца
Штотыдзень = кожны тыдзень
Багата = многа
Дапаможнік – рус. пособие
З нагоды – рус. по поводу
Увага – рус. внимание
Атаясамляць = ідэнтыфікаваць
Абмежаваны – рус. ограниченный
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
