Якое значэнне для беларускай культуры мае фестываль інтэлектуальнай кнігі «Прадмова»? Як мае выжываць культура ва ўмовах, калі ўлада на Беларусі змагаецца з усім нацыянальным і з усім хоць трошку нелаяльным? Ці можна казаць, што сённяшняя беларуская вольная кніга і вольная культура жыве пераважна ў міграцыі?
Гэтыя ды іншыя пытанні Віталь Цыганкоў абмяркоўваў у «Размове» са старшынёй Беларускага ПЭН-цэнтру Таццянай Нядбай.
Пэўныя думкі, што выказала Таццяна Нядбай у часе «Размовы»:
- Адсячэнне аўдыторыі ад пісьменнікаў паўплывала на веды людзей аб сучаснай літаратуры
- Рэжым зразумеў, што культура натхняе людзей і дае ім разуменне свабоды і дэмакратыі, таму знішчае яе
- Галоўная праблема рэжыму, што ў канцлагеры нехта падымае галаву
- Калі беларуская культура не будзе патрэбная нам, яна не будзе патрэбная нікому
- Беларуская культура робіцца больш інтэграванай у сусветную
«Размову» ды іншыя нашыя праграмы глядзіце на YouTube-канале «Белсат News».
