Каб спыніць крамлёўскага вайсковага злачынцу, ЗША найбліжэйшымі днямі перадае Украіне на зброю на сотні мільёнаў долараў. Між іншага Украіна атрымае сотню дронаў-камікадзэ. Чым яшчэ краіны NATO гатовыя дапамагчы Украіне і ці застаецца надзея на закрыццё неба? Высвятляла Вольга Міцкевіч.
Ці можа вайна ва Украіне адкрыць для нас акно магчымасцяў для сістэмных зменаў? Інтэрв’ю Аліны Коўшык з Кацяю Глод, беларускім аналітыкам у амерыканскім Цэнтры аналізу еўрапейскай палітыкі.
Пасля дваццаці двух дзён вайны Крэмль звярнуўся па дапамогу да Паўночнай Карэі і Кітаю. Іронія ў тым, што з апошнім Расея мае даўнюю тэрытарыяльную спрэчку. Але, відаць, у сітуацыі, калі Расею выключаюць з міжнародных арганізацыяў, аслабляюць беспрэцэдэнтнымі санкцыямі і дыпламатычнай ізаляцыяй, праглынуць можна ўсё. Масква працягвае руку па грошы і ваенную дапамогу ў бок Паднябеснай. Ці пойдзе на гэта Кітай? Спойлер: амбасадар Кітаю пераконвае, што не – а як сітуацыя выглядае насамрэч? Матэрыял Надзеі Бельскай.
Расея, маўляў, сарвала планы Кіева, які хацеў распачаць вайну. Расейскія вайскоўцы «робяць усё, каб пазбегнуць стратаў сярод мірнага насельніцтва ўкраінскіх гарадоў» – гэта толькі некалькі заяваў з выступу Пуціна на нарадзе аб мерах сацыяльна-эканамічнага падтрымання рэгіёнаў гэтым тыднем. Таксама Пуцін заявіў, што ўсё ідзе згодна з планам. Але якім можа быць гэты план? І якую цану за гэта гатовы заплаціць Крэмль? Высвятлала Святлана Аўчарова.
Міжнародны тэлечасопіс «ПраСвет» з Алінаю Коўшык ды Сяргеем Пелясою глядзіце шточацвер а 21:40. Падпісвайцеся на «ПраСвет» у профілях у Facebook і «Одноклассниках»! Глядзіце нас праз спадарожнік «Астра 4A» (ранейшая назва «Sirius 4»), онлайн, на YouTube-канале і на нашай старонцы.
Фота: Mikhail Klimentyev/Kremlin Pool / Zuma Press /