Кашмарны сон Лукашэнкі: Ціханоўская ўзначаліць беларускі корпус NATO! Сатырычнае шоу
Кашмар Аляксандра Лукашэнкі: беглыя беларусы ствараюць новыя палкі Каліноўскага, адкрываюць другі фронт, а на іх чале стае Святлана Ціханоўская! Каб супакоіць Сіняпалага, РБ і РФ разгарнулі свае сілы. Але «Хай так TV» мае лепшую прапанову!
Кацярына Ваданосава, Міхась Зуй і Дзяніс Дудзінскі абмеркавалі свежыя канспіралагічныя тэорыі, гучныя заявы палітыкаў і нечаканыя ідэі чыноўнікаў для развязання лавіны праблемаў, якая гразіцца змесці рэжымы Лукашэнкі і Пуціна.
Таксама «Хай так TV» здабыў эксклюзіўныя відэаматэрыялы, прабраўшыся на трактарны завод, у Міністэрства архітэктуры і нават прасачыўшы за ходам контртэрарыстычнай аперацыі КДБ!
А Дудзінскі правёў лекцыю геаграфіі для Хрэнава (міністра абароны) і напісаў песню пра Наталлю Эйсмант.
ТАКСАМА ГЛЯДЗІЦЕ Ў НОВЫМ ВЫДАННІ «ХАЙ ТАК TV»:
- Ціханоўская ўзначаліць беларускі корпус NATO?
- «Увага, экспансіўнае семя!» Якую заразу разносяць расейскія ўхілісты
- «Баярышнік» ці «Навічок»: што вып’е Лукашэнка
- Сала, бараніна ці рыба: на што бяруць прызыўнікі?
- Беларускі дэпутат гатовы сцерці з паверхні зямлі любую дзяржаву!
- Беларуская чыгунка прыдумала, як пагасіць даўгі!
- Зніклыя ў Расеі паўтара мільёна камплектаў уніформы апынуліся ў Беларусі?
Сатырычнае шоу «Хай так TV» глядзіце кожную суботу на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.
Калаж з фота: president.gov.by; Телеканал ОНТ, Страна для жизни / YouTube; Nikhil Veera Aradada / unsplash
