Пасля падзеяў 2020 года шмат беларусаў апынуліся за мяжою, дзе паўстала асаблівая патрэба ў беларускай тоеснасці, людзі адчулі жаданне захаваць свае культурныя коды. Тады група аднадумцаў пастанавіла адкрыць у Варшаве школу беларускай традыцыйнай культуры.
На гэты момант яна існуе на валанцёрскіх пачатках і дзеіць у трох кірунках: народныя спевы, традыцыйныя танцы ды гранне на дудзе. З памяшканнем дапамагае Беларускі моладзевы хаб. Арганізатары плануюць адкрыць паўнавартасную школу з верасня з 5 напрамкамі і 5–15 вучнямі ў кожным. А галоўную мэту бачаць у тым, каб за год вучні зрабіліся носьбітамі культуры ды неслі яе ў свае сем’і.
Фота вокладкі: Natalia Fedosenko / TASS / Forum
