14 содняў на Акрэсціна: як міліцыя помсціць блогерам

Аўтаблогер Аляксандр Максіменя сутыкнуўся з беззаконнем наўпрост пад дзвярыма суда. Летась 28 чэрвеня спадар Аляксандр прыйшоў у суд Маскоўскага раёну сталіцы, каб падтрымаць свайго сябра, які судзіўся з ДАІ.

«Я выйшаў з суда, вось тут быў прыпаркаваны мой аўтамабіль. Мне трэба было дастаць некаторыя дакументы. Пад’ехаў сіні «Ford Transit» з цывільнымі нумарамі дзяржрэгістрацыі», – распавёў нам аўтаблогер.

Аляксандр бачыў, як той мікрааўтобус ехаў за ім па дарозе да суда і адразу западозрыў нядобрае. Ён кінуўся да будынку, за ім пагналіся людзі ў цывільным. Як выявілася пазней – гэта былі прадстаўнікі АМАПу.

«Адзін амапавец схапіў мяне за руку. Я адной рукой хацеў дастаць тэлефон, каб уключыць запіс. Другі амапавец забраў адразу тэлефон. І ўсё, яны пад рукі пацягнулі мяне ў гэны мікрааўтобус», – узгадвае Аляксандр.

Запіс тых падзеяў захаваўся на відэарэгістратары Аляксандра Максімені. Але, нягледзячы на відэазапіс, суд прыняў версію міліцыянтаў. І пакараў аўтаблогера арыштам на чатырнаццаць содняў – за непадпарадкаванне законным патрабаванням міліцыянтаў.

Помста міліцэйскіх чыноўнікаў?

Калі Аляксандр выйшаў з ізалятару, абскардзіў пастанову суда. Пры чарговым праглядзе запісаў з рэгістратара ён зразумеў: мікрааўтобус з амапаўцамі ў той дзень пераследаваў яго да суда Маскоўскага раёну ад самага дому.

Аўтаблогер лічыць, што стаў ахвяраю помсты з боку міліцэйскіх чыноўнікаў.

Летась узімку Аляксандра аштрафавалі за здымку размовы з начальнікам ДАІ. Мужчына змог давесці сваю правату і скасаваць штраф, дайшоўшы да Вярхоўнага Суда. Рашэнне агучылі незадоўга да ягонага затрымання ў чэрвені.

Таксама Аляксандр Максіменя дамогся ў Вярхоўным Судзе адмены пастановы пра адміністратыўны арышт.

Хаця два суды папярэдніх інстанцыяў пакідалі рашэнне ў моцы. Цяпер блогер патрабуе працягнуць разгляд ягонае справы, каб пакараць тых, хто яе сфабрыкаваў.

«Трэба давесці гэтую справу да канца, знайсці, хто гэта арганізаваў і навошта гэта ўсё», – лічыць Аляксандр.

Але дзейнічаць трэба хутка. Аляксандр можа страціць магчымасць падаць пазоў на кампенсацыю маральнае шкоды, а галоўнае – прыцягнуць вінаватых да адказнасці.

Юрыст Аляксей Лойка звяртае ўвагу, што Вярхоўны Суд пакуль толькі адмяніў рашэнне суда Маскоўскага раёну сталіцы. Канчатковы вынік справы будзе на новым судовым разборы.

«Я б параіў чалавеку, які апынуўся ў гэткай сітуацыі, зрабіць аўдыязапіс наступнага працэсу. І на падставе ўсіх матэрыялаў, якія ён мае задакументаваць, звярнуцца ў пракуратуру, каб яна праверыла, ці няма ў дзеяннях прадстаўнікоў АМАПу, якія давалі паказанні, адміністратыўнага правапарушэння, якое прадугледжвае адказнасць за непраўдзівае сведчанне», – раіць юрыст.

Таксама ў праграме «Маю права»:

  • У Карэліцкім раёне вяскоўцы наракаюць на якасць вады
  • На Случчыне вяскоўца не пускаюць у свой дом праз хваробу
  • Беларусы – пра тое, як засцерагаюцца ад сухотаў
  • Музычная крама ў Менску ўзяла смычок у закладнікі

Глядзіце праграму «Маю права» цалкам:

Праваабарончую праграму «Маю права» глядзіце кожную сераду а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.

Больш матэрыялаў

Былога міліцыянта забралі на Акрэсціна

Мужчына пайшоў у краму – яго ледзь не застрэлілі

Дзіцячаму доктару закідаюць правапарушэнне, якога той не рабіў. Невінаватасць пацвярджаюць камеры відэаназірання

Мужчына праз невыносны боль ходзіць на працу, бо не можа атрымаць інваліднасці

На заводзе пад Петрыкавам людзі паўгода чакаюць заробак

Мужчына дапамог ДАІ злавіць парушальнікаў і сам атрымаў штраф

Кіроўцы Менсктрансу скардзяцца на ўмовы працы, штрафы і ціск кіраўніцтва

Валанцёрка – уладам: «Разбярыце адну рэзідэнцыю, здайце на металалом! Ды зрабіце хоць нешта!»