Чаго хоча дабіцца Крэмль, дапамагаючы Лукашэнку ў стварэнні гуманітарнай катастрофы на мяжы з Еўразвязам? Ці распачне Лукашэнка ядравую вайну? Што рабіць Захаду, каб спыніць міграцыйны крызіс? На гэтыя ды іншыя пытанні адказвалі ўдзельнікі перадачы Змітра Міцкевіча «Без акрэдытацыі».
Гэтым разам гасцямі праграмы былі аўтар і вядучы YouTube-каналу «И грянул грэм» Вадзім Радзіёнаў, журналіст «Нашай Нівы» Максім Маханькоў, а таксама журналіст «Белсату» Вітаўт Сіўчык.
Некаторыя тэзы, агучаныя гасцямі ў часе перадачы:
Вадзім Радзіёнаў
- Тыя, хто арганізаваў міграцыйны крызіс, дзейнічаюць даволі крэатыўна, наносячы ўдары ў балючыя кропкі Еўразвязу
- Лукашэнка і Пуцін спрабуюць выбіць у Еўразвязу прызнанне сваёй улады і ўплыву Крамля на гэтых тэрыторыях
- Лукашэнка не паважае ніякія правілы: гэта сітуацыя, калі ты баксіруеш, а цябе б’юць ломам
Максім Маханькоў
- Аперацыя з міграцыйным крызісам не магла быць арганізаваная выпускнікамі наваполацкага палітэху ці сельскагаспадарчай акадэміі ў Горках
- Праз гібрыдную атаку на Еўразвяз Масква і Менск хочуць вярнуць суб’ектнасць Лукашэнкі
- Еўразвязу варта перасядзець і акапацца: відавочна, што яны лепш падрыхтаваныя, час ідзе на іхную карысць і беларуская зіма ідзе на іхную карысць
Вітаўт Сіўчык
- За ўсё, што адбываецца на тэрыторыі акупаванай краіны, адказвае акупант, таму Лукашэнка нясе адказнасць за міграцыйны крызіс
- Відавочна, што Лукашэнка не на тых напаў – польскі ўрад не саступіць у гэтай сітуацыі
- Адзін раз беларускіх памежнікаў мігранты ўжо пабілі палкамі
Поўную версію дыскусіі глядзіце ў праграме «Без акрэдытацыі».
Калаж з фота: SHAMIL ZHUMATOV, Reuters, Forum / Polish Defence Ministry, Reuters, Forum
