«У нас, славянаў, на ўзроўні архетыпу закладзенае кіраванне царом, і гэта было ад каранацыі да смерці», – напэўна, вы ўжо чулі гэтыя словы ігумена Аўксенція з Калінкавічаў. Днямі гэты праваслаўны святар падзяліўся ў мясцовай газеце развагамі наконт зменаў у Канстытуцыю, што рыхтуюць улады. Пра царкву ў Беларусі і архетыпы вядоўца «Размовы» Валера Руселік паразмаўляў з каталіцкім святаром Вячаславам Барком.
Цікавыя думкі, якія Вячаславаў Барок агучыў у «Размове»:
- Калі ў краіне доўгі час няма закону, народ перажывае дэградацыю.
- Ігумен не дурны чалавек, ён адукаваны. І мы не можам сказаць, што ён не разумее таго, што сказаў. Ён гаворыць гэтыя словы, каб праявіць сваю лаяльнасць да свецкай улады. Для духовай асобы, для святара гэта недаравальна.
- Канстытуцыя робіцца пад аднаго чалавека. На нашых вачах робіцца злачынства.
- Тое, што павінен быць цар, – гэта не архетып славянаў, гэта архетып халопаў.
- Калі святары абслугоўваюць уладу, то яны адыходзяць ад Царквы. Царква Хрыстовая не можа абслугоўваць улады.
- Царква для таго, каб называць рэчы сваймі імёнамі.
«Размову» цалкам глядзіце на YouTube-канале «Белсат News».