Хто і як сочыць за беларусамі ў інтэрнэце?

Чаму заблакавалі тэлеграм-каналы «Чёрная книга Беларуси» і «Каратели Беларуси»? Ці можна лічыць «Тэлеграм» бяспечным камунікатарам? Якія сэрвісы перадаюць дадзеныя карыстальнікаў рэжыму Лукашэнкі? Як бяспечна карыстацца «Тэлеграмам» без усялякай цэнзуры і абмежаванняў? Наколькі небяспечная кітайская электронная прадукцыя? Ці магчыма разбурыць манаполію на рынку новых тэхналогіяў?

На гэтыя ды іншыя пытанні шукалі адказы ўдзельнікі чарговага выдання праграмы Змітра Міцкевіча «Без акрэдытацыі»: спецыяліст у лічбавай бяспецы Мікалай Кванталіяні, журналіст «Нашай Нівы» Максім Маханькоў, а таксама журналіст «Белсату» Аляксандр Арсёнаў.

Некаторыя тэзы з выступаў гасцей.

Максім Маханькоў:

  • Калі толькі пачынаўся інтэрнэт, нам абяцалі светлую будучыню, вольную адкрытую прастору без межаў, манаполіяў і палітычнага ціску. І тое, што мы маем цяпер, не мае да гэтага ніякага дачынення.
  • Дзяржавы мусяць ствараць механізмы грамадскага кантролю за вялікімі кампаніямі, каб іх дзейнасць была больш празрыстай.
  • Дэмакратычным актывістам і палітыкам трэба вучыцца праграмаваць, каб разумець, наколькі гэтыя тэхналогіі моцны інструмент – і наколькі яны могуць быць небяспечнымі.

Мікалай Кванталіяні:

  • Расейскія інтэрнэт-сэрвісы перадаюць звесткі аб карыстальніках спецслужбам.
  • Цяпер людзям трэба выбіраць, што ім важнейшае: зручнасць карыстання – або абарона прыватнасці.
  • Бывалі выпадкі, калі «Фэйсбук» адзначаў людзей на фатаграфіях 200-гадовай даўніны, пазнаючы чалавека на здымках ягоных продкаў.

Аляксандр Арсёнаў:

  • Я не ўпэўнены, што буйныя кампаніі на рынку ІТ-паслугаў звяртаюць увагу на Беларусь – мы для іх маленькі рынак.
  • Як карыстальнікі мы мусім зыходзіць з таго, што любы інтэрнэт-сервіс можа супрацоўнічаць з уладамі і працаваць не ў інтарэсах карыстальнікаў.
  • У Беларусі з сачэннем за сабой можна змагацца толькі праз змяншэнне зручнасці для сябе, пры адмове ад тых ці іншых сэрвісаў.
Падпісвайся на telegram Белсату

Больш матэрыялаў

Як Літва змагла паставіць Пуціна на месца

Ліхтаровіч: «Гайдукевіч біў сваіх суразмоўцаў»

Лукашэнка пакідае сабе людзей, не здольных на складаныя схемы

Цыганкоў: «Збылася мара расейцаў – яны зноў у СССР»

Шапораў: «Лукашэнка прадаў ж*пу Пуціну»

Расея размясціла ядравую зброю ў Беларусі

Лукашэнка даў дазвол на расейскія ваенныя базы?

Лукашэнка прызначыў пераемнікам Качанаву