Як палітычны крызіс у Казахстане паўплывае на беларускую эканоміку? Разбіраемся ў праграме «Эканоміка з Чалым»:
Газавы крызіс Беларусі мае ісці на карысць, бо ў выпадку, калі газ аж за тысячу долараў, а для Беларусі нядаўна агучвалі сто з нечым, атрымліваецца шанец павысіць канкурэнтаздольнасць беларускіх тавараў? Але ёсць нюансы, тлумачыць эканаміст Сяргей Чалы:
«АЭС, гэтыя нашыя доўгатэрміновыя планы, падрываюць канкурэнтаздольнасць, якая ўзнікае праз тое, што для нас дыферэнцыял цаны з Заходняй Еўропаю даволі моцны».
Калі браць, напрыклад, галіну, што жыве на газе, то можна згадаць два прадпрыемствы: «Шклозавод» і «Горадня Азот» (азотныя ўгнаенні вырабляюцца з прыродным газам).
«Шклозавод «Нёман» – даўно хадзячы мярцвяк, можна было. Дарэчы, меркаваць яшчэ паводле такога анекдатычнага прыкладу, калі Лукашэнка ў канцы мінулага года ездзіў да Пуціна. Увесь час прывозіць яму прадуктовы набор – авоську, якую трэба перадаць. Вось ад гэтага шклозаводу: а можа, спадабаецца нейкім чынам, такі адчайны крок. Маўляў, паглядзіце, у нас яшчэ гэта ёсць, можна купляць».
А з «Горадня Азотам» сітуацыя такая ж патавая. Завод стары, тэхналогіі старыя, сабекошт высокі і плюс яшчэ вялікая нагрузка, звязаная якраз з неабходнасцю перакрыжаванага субсідавання. Бо за сусветныя кошты купляць азотныя ўгнаенні нашыя гаспадаркі не могуць.
Таксама ў праграме «Эканоміка з Чалым»: