Кацярына Сныціна, капітан нацыянальнай зборнай па баскетболе, адмовілася рэпрэзентаваць рэжым Лукашэнкі на міжнароднай арэне. Яна падтрымлівае Святлану Ціханоўскую і сваім пазітывам яднае беларусаў.
Бронзавая прызёрка чэмпіянату Еўропы – 2007, удзельніца Алімпійскіх гульняў – 2008 Кацярына Сныціна выступіла супраць фальсіфікацыі выбараў рэжымам Лукашэнкі:
«Я не хацела рэпрэзентоўваць рэжыму на міжнароднай арэне. Быць часткаю гэтай машыны. Адмовіўшыся ад баскетбольнай нацыянальнай каманды, я набыла агромністую каманду за лік беларускага народу».
Каб падтрымаць сваіх суайчыннікаў у замежжы, спартоўка зладзіла праект «Сныціна тут, Сныціна там»: запрашала беларусаў у розных гарадах на баскетбольную пляцоўку, гуляла з імі і размаўляла.
«Я ў Еўропе сярод дзясяткаў тысяч беларусаў, якія штодня працягваюць нешта рабіць, каб вярнуцца ў краіну. І мне стала крыўдна, бо агромністы пласт працы, а яго не бачна. Я падумала, што мне хочацца заехаць у некалькі дыяспараў», – распавядае Кацярына.
Як спартоўка зрабіла лёсавызначальны выбар? Што ёй дапамагае заставацца пазітыўнай нават у сучасных цяжкіх варунках? Як жыццё змянілася з вайной і як Кацярына падключыла сваіх турэцкіх сяброў да дапамогі фонду «Help Animals in Ukraine»? Чаму Сныціна не заклейвае чырвона-зялёнага сцяжка на рэгістрацыйных нумарах аўтамабіля? Чаго баіцца рэжым Лукашэнкі і калі мы пераможам?
Таксама ў новым выданні «Беларускага свету»:
Праграму «Беларускі свет» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашай старонцы або на YouTube.