Журналістка Вольга Быкоўская распавяла, як менскі лекар пераконваў яе, што білінгвізм шкодны для дзіцяці. А Віктар Шукеловіч падказаў, як правільна адрэагаваць на гэтую гісторыю: «Я ў шоку!» ці «Я ў шоцы!».
Госця праграмы – Вольга Быкоўская, журналістка, сябра руху «За свабоду».
Калі Вольга збірала медычныя даведкі, каб аддаць дачку ў дзіцячы садок, то натрапіла на дзіўнаватага лекара. Той параіў беларусцы не мучыць дзіця беларускаю мова і распавёў ёй пра шкоднасць білінгвізму. Але ён недаацаніў беларускага характару. Калі Вольга распавяла мужу пра параду лекара, то яны разам вырашылі: добра, адна мова дык адна мова. І абодва перайшлі на беларускую!
«Мне прыйшло ў галаву, што беларуская мова можа памерці, – кажа Вольга. – І вельмі не хочацца, каб я была апошнім чалавекам, які ведае беларускую мову».
Тыя, хто пераймаецца кансэлінгам расейскай культуры, спакойна! Дачка Вольгі вывучыла і расейскую мову. Дарэчы, расейскамоўныя творцы займаюць не апошняе месца ў беларускай культуры. Напрыклад, нобэлеўская лаўрэатка Святлана Алексіевіч піша па-расейску. Ці трэба «аддаваць» яе расейцам, мы паразважалі ў адным з мінулых выданняў нашай праграмы:
Вольга прызнаецца, што ў дзяцінстве не любіла беларускай мовы. Усё змянілася дзякуючы фонду Сораса і грамадскім арганізацыям. Асобнае прывітанне Вольга перадае Алесю Карніенку, які цяпер робіць сатырычную праграму «Вечаровы шпіль»:
Ці патрэбная беларусам беларуская мова? Хто дапаможа яе зберагчы? Якою Вольга бачыць моўную палітыку ў новай Беларусі?
Абмінаць = праходзіць міма
Высілак – рус. усилие
Штуршок – рус. толчок
Пашэнціць = пашанцаваць
Асобнік = экзэмпляр
Патрапіць – рус. попасть
Адчуваць – рус. чувствовать
Прынамсі = па меншай меры
Варта – рус. стоит
Асяродак – рус. окружение
Усведамленне = разуменне
Выхоўванне – рус. воспитание
Даведка – рус. справка
Меркаваць = думаць
Сумны – рус. печальный
Прыцягваць увагу – рус. привлекать внимание
Наступствы – рус. последствия
Крымінальны пераслед – рус. уголовное преследование
Відавочна = ясна
Падстава = прычына
Гуртаваць = аб’ядноўваць
Паасобку = асобна
Адказнасць – рус. ответственность
Караць – рус. наказывать
Падкрэсліць – рус. подчеркнуть
Каштоўнасць – рус. ценность
Перакананне – рус. убеждение
Супольны = агульны
Попыт – рус. спрос
Агучка – рус. озвучка
Грамадскасць – рус. общественность
Уплыў – рус. влияние
Апытанне – рус. опрос
Уплываць – рус. влиять
Падмурак = фрагмент
Гнутка – рус. гибко
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.