Мірныя пратэсты 2020 года не прывялі да падзення рэжыму Лукашэнкі. Але вайна ва Украіне скарэктавала ўнураныя і вонкавыя працэсы.
Чаму навучылі мірныя спробы змяніць уладу? Ці ёсць падставы глядзець у будучыню з аптымізмам? На гэтыя ды іншыя пытанні адказваюць эксперты і госці ток-шоу «План Б».
«Адзіны сродак, з дапамогай якога ўлада ўтрымліваецца, – гэта сіла, гвалт, якія рэалізуюцца зверху ўніз. Калі гвалт не пачне рухацца знізу ўверх, ніякія змены немагчымыя. Любы мірны пратэст, які нібыта дабіўся перамогі, – гэта хлусня, бо за ім заўсёды стаяў пратэст гіпатэтычна гвалтоўны, баючыся якога, улада ідзе на саступкі», – кажа анархіст, заснавальнік пляцоўкі для дапамогі палітвязням «Dissidentby» Вячаслаў Касінераў.
Беларуская гісторыя ведае прыклады, калі ў вельмі складаных абставінах удавалася рабіць проста немагчымае.
«Беларусь атрымала незалежнасць у 1918 годзе ў такой жа сітуацыі [акупацыі. – Заўвага Belsat.eu]. Першая сусветная вайна, параза. І ў гэты момант Беларусь абвяшчае незалежнасць», – адзначае першы намеснік старшыні «Народнай грамады» Яўген Вільскі.
- Высновы зробленыя. Ці гатовыя беларусы да больш рашучых дзеянняў?
- Кошт бронекамізэлькі. Якую цану давядзецца заплаціць за незалежнасць Беларусі?
- Стабільнасці канец. Чаму дасюль адбываюцца палітычныя рэпрэсіі?
Глядзіце ток-шоу «План Б» на YouTube-канале «Белсат News», у праграме «Belsat Smart» для тэлевізараў з функцыяй «Smart», на мабільных прыладах з сістэмамі iOS і «Android», a таксама ў эфіры «Белсату».
Калаж з фота: nv.ua і president.gov.by
