Медыкі за кратамі. Перад затрыманнем Андрэй Любецкі даў інтэрвʼю «Белсату»

Чаму беларускія лекары з’язджаюць за мяжу? Як яны ацэньваюць узровень медыцыны ў краіне? Разбіраемся ў праграме «Шчыра кажучы».

У паслявыбарчы перыяд, калі медыкі сутыкнуліся з масавым наплывам пацярпелых ад гвалту сілавікоў, ім прыйшлося працаваць звышурочна не толькі на працы, але і па-за ёй – па хатах. Рэч у тым, што людзі нават з сур’ёзнымі траўмамі не жадалі звяртацца ў дзяржаўныя ўстановы, бо асцерагаліся, што іх аддадуць назад тым, ад каго яны пацярпелі.

Яўгенія Тачыцкая, якая працуе ў дзяржаўным псіхіятрычным дыспансеры, апавядае, што зварот у дзяржаўныя ўстановы – адзін з распаўсюджаных страхаў у ейных пацыентаў.

«Яны баяцца звяртацца да каго б там ні было: да траўматолага, тэрапеўта, псіхіятра, да гінеколага. (…) Людзі, у якіх былі сурʼёзныя пашкоджанні мяккіх тканак, пераломы касцей, цяжкія страсенні, не звярталіся. Яны звярталіся па валанцёрскую дапамогу. Тыя, у каго ёсць сродкі, часам звяртаюцца ў прыватныя клінікі. Былі людзі з траўмамі канечнасцяў, якія прыводзяць да калецтва. Былі людзі з траўмамі ўнутраных органаў. У тым ліку похвы і прамой кішкі».

Але пацярпелі не толькі пратэстоўцы. Паводле фонду медычнае салідарнасці, пасля выбараў з палітычных матываў звольнілі каля паўсотні работнікаў аховы здароўя.

Аднаго з найлепшых сківічных хірургаў Беларусі Андрэя Любецкага спачатку звольнілі з дзіцячай больніцы, дзе ён адпрацаваў 18 гадоў, потым з прыватнай медустановы. Перад сваім затрыманнем Андрэй Любецкі паспеў паразмаўляць у праграме «Шчыра кажучы» пра стан медыцыны:

«Калі ўлічыць тое, што ўсе мае калегі працавалі больш, чым на стаўку ў больніцы, гэта заўсёды была дзённая праца і дзяжурствы, тады атрымліваецца 1,5–2 стаўкі. Гэта дзесьці 500–700 долараў, гэта максімум. Але гэта з улікам таго, што ў нас тыя ж аперацыі па пластыцы вуснаў, паднябення пры расколінах, высокатэхналагічныя. І за гэта ішла надбаўка.То бок калі браць голую стаўку, то, безумоўна, значна менш, чым тыя славутыя 500 долараў. Па вялікім рахунку ў прыватных клініках той заробак можна зарабіць на 1–2 пацыентах».

Таксама ў праграме «Шчыра кажучы»:

  • Што насамрэч адбывалася ў шпіталях падчас першай хвалі каронавіруса?
  • Колькі гадоў трэба чакаць аперацыю на калена ў сталічных больніцах?
  • Як працягваюць вучобу за мяжою адлічаныя студэнты медустановаў?

Belsat.eu

Падпісвайся на telegram Белсату

Больш матэрыялаў

Ці могуць беларусы паўтарыць учынак Андрэя Зельцара? Адказваюць псіхолагі

Калі дзеянне санкцыяў Еўразвязу будзе больш адчувальным для Беларусі?

Ці магчымы ў Беларусі эканамічны поспех Сінгапуру?

Як Лукашэнка прыбiрае да рук Царкву

Як сілавікі спрычыніліся да росту злачынстваў?

Каго пакрывае ГУБАЗіК у справах, звязаных з наркотыкамі? Прызнанні былога следчага

Як Лукашэнка катуе бізнесоўцаў правяраннямі

Лукашэнка не адпускае беларускія прадпрыемствы