Пра што размаўлялі ўчора па тэлефоне Пуцін і Лукашэнка? Чаму лукашыстам зручней атрымліваць грошы ад Расеі, чым ад Захаду? Ці згадзілася б салістка Вялікага тэатру выступіць на адкрыцці віннай крамы? Чаму ў рэжыму засталіся толькі дрэнныя развязанні для важных праблемаў?
На гэтыя ды іншыя пытанні шукалі адказаў удзельнікі праграмы Змітра Міцкевіча «Без акрэдытацыі».
Гэтым разам гасцямі праграмы былі культуролаг, публіцыст і медыяаналітык Максім Жбанкоў, сябра Прэзідыуму Каардынацыйнай рады Вольга Кавалькова, а таксама рэдактар праекту «Вот так» Ян Маравіцкі.
Некаторыя тэзы з выступаў гасцей:
Вольга Кавалькова
- Пуціну і Лукашэнку няма аб чым размаўляць, а нейкую дзейнасць паказваць трэба
- Пуціну ў сувязі з санкцыямі нявыгадна падтрымліваць Лукашэнку, і ён не будзе выдзяляць на гэта грошай
- Віктар Бабарыка задаў грамадству вельмі высокую культурную і інтэлектуальную планку
Максім Жбанкоў
- Праграмы «Усходняга партнёрства» не былі прыярытэтнымі для нізавога кіраўніцтва Беларусі
- Сістэма ўспрымае недзяржаўныя культуру, адукацыю, медыі як крыніцу нестабільнасці
- Дзяржаўная культура можа існаваць толькі ў рэжыме сэрвіснага абслугоўвання, якое не прадугледжвае свабоды творчасці
Ян Маравіцкі
- Лукашэнка хоча прадэманстраваць Пуціну, што ён свой і па-ранейшаму гатовы гарантаваць стабільнасць
- Афіцыйныя Масква і Менск нагадваюць клубок змеяў, якія цалуюцца
- Расейскі аўтарытарны рэжым больш разнастайны, чым беларускі
Поўную версію дыскусіі глядзіце ў праграме «Без акрэдытацыі».