У першыя дні расейскага ўварвання ва Украіну, калі ў Польшчу пачалі прыбываць уцекачы, вельмі не ставала перакладнікаў. Пра гэта даведаўся наш госць Міхал Равіцкі і запрапанаваў сваю дапамогу.
Міхал Равіцкі – праграміст. Калі ён сказаў шэфу, што хацеў бы папрацаваць валанцёрам, каб дапамагчы ўцекачам з Украіны, той дазволіў яму прысвячаць гэтаму адзін працоўны дзень, за які ён таксама атрымлівае заробак.
Гэтак Міхал уратаваў хворага на рак. Той жыў у Васількове і мусіў рабіць аперацыю ў Кіеве, але ўварванне расейскіх войскаў гэтаму перашкодзіла. Ён здолеў дабрацца да Польшчы, а Міхал дапамог паразумецца з польскім лекарам.
«Калі б я не размаўляў на беларускай мове, я б не змог дапамагчы гэтым украінцам, – кажа Міхал. – Мне было б вельмі складана штосьці зразумець, калі б [я размаўляў. – Заўв. «Белсат»] толькі на расейскай мове, а ўсе гэтыя дакументы па-ўкраінску ўвогуле былі б чорнаю магіяй».
Хобі Міхала – падарожжы аўтаспынам. Напрыклад, ён праехаў ад Варшавы ажно да Шанхаю!
Чаму Міхал захацеў вывучыць беларускую мову? Як яму ўдаецца не заблытацца ва ўкраінскай, беларускай і расейскай мовах? Што яго ўразіла ў беларусах, акрамя веры ў гаючую сілу алоэ? Чым скончыўся эксперымент Міхала, калі ён казаў беларусам, што валодае толькі беларускаю моваю, а па-расейску не разумее? Чаго ён марна баяўся ў працы валанцёрам?
У граматычнай частцы пагаворым, як пачаў змяняцца сэнс вядомае прыказкі «мая хата скраю».
Перапынак – рас. перерыв
Імкненне – рас. стремление
Аўтаспын = аўтастоп
Гурт – рас. группа
Параіць – рас. посоветовать
Працягваць – рас. продолжать
Пераадолець – рас. преодолеть
Выгляд – рас. вид
Змусіць – рас. заставить
Блытаць – рас. путать
Атрымлівацца – рас. получаться
Стварыць – рас. создать
Колькасць – рас. количество
Распаўсюд – рас. распространение
Уражваць – рас. впечатлять
Іншы – рас. другой
Альяс = алоэ
Скура – рас. кожа
Далучыцца – рас. присоединиться
Уцякаць = збягаць
Хвароба – рас. болезнь
Хвалявацца – рас. волноваться
Кепскі = дрэнны – рас. плохой
Слушна = правільна
Лекар = доктар
Чарга – рас. очередь
Прынамсі – рас. по крайней мере
Выкарыстаць – рас. использовать
Карысна – рас. полезно
Трымацца – рас. держаться
Абставіны – рас. обстоятельства
Будынак – рас. здание
Патрапіць – рас. попасть
Жоўцевы пухір – рас. желчный пузырь
Веданне – рас. знание
У патрэбе – рас. в нужде
Палёгка – рас. облегчение
Адукацыйную праграму «Мова нанова» глядзіце кожную нядзелю а 18:15 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.