22 лістапада ў Вене адбудзецца міжнародная канферэнцыя аб Беларусі. Пра гэта заявіў на саміце Рады Еўразвязу канцлер Аўстрыі АлексАндэр ШАленбэрг. Канферэнцыя будзе прысвечаная дыялогу паміж зацікаўленымі бакамі і выйсцю з беларускага крызісу, паведаміла ў Тўітэры Святлана Ціханоўская. Ці магчыма назваць гэтую сустрэчу перамовамі? Хто можа ўзяць удзел у гэтых перамовах, і якія задачы павінны паставіць перад сабой усе зацікаўленыя бакі? Ці будуць браць удзел у сустрэчы прадстаўнікі афіцыйнага Менску і Расеі?
У сённяшняй Размове адказ на гэтыя ды іншыя пытанні Віталь Цыганкоў шукаў разам з Анатолем Лябедзькам, прадстаўніком офісу Святланы Ціханоўскай у супрацы з міжнароднымі парламенцкімі структурамі.
Некаторыя думкі, што агучыў у «Размове» Анатоль Лябедзька:
- Канферэнцыю ў Вене нельга называць перамовамі, хутчэй прыступкаю да перамоўнага працэсу
- Я не думаю, што парэшткі ўлады Беларусі прымуць запрашэнне на канферэнцыю ў Вену і дашлюць кагосьці з сур’ёзным мандатам
- У Беларусі працягваецца вайна, і гэта праблема еўрапейская
- Я б таксама моцна не разлічваў на афіцыйны ўдзел Масквы ў канферэнцыі ў Вене
- Масква хацела б ад самага пачатку мець кантрольны пакет у перамоўным працэсе
«Размову» цалкам глядзіце на YouTube-канале «Belsat news».
