Нядаўна былі апублікаваныя поўныя дакументы аб інтэграцыі, якія падпісалі Пуцін і Лукашэнка яшчэ 4 лістапада. Ці змянілася іх ацэнка, наколькі глыбока зайшла беларуска-расейская інтэграцыя? Ці стварае менскі рэжым новы ўзровень рэпрэсіяў, пераходзячы на сваякоў і маёмасць лідараў пратэсту?
Гэтыя ды іншыя пытанні Віталь Цыганкоў абмяркоўваў з аналітыкам Беларускага цэнтру стратэгічных даследаванняў Вадзімам Мажэйкам.
Некаторыя думкі, што агучыў Вадзім Мажэйка ў часе «Размовы»:
- На постсавецкай прасторы існуе традыцыя падпісання гучных папераў без ніякага наступнага іх выканання
- Расеі не прынцыпова, якім будзе шлях Беларусі назад у імперыю
- Лукашэнка баіцца быць паглынутым Расеяй, але яшчэ больш ён баіцца быць паглынутым беларускім народам
- Цяжка ўявіць, што Павел Латушка спыніць сваю палітычную дзейнасць і барацьбу з рэжымам пасля ціску на ягонага стрыечнага брата.
«Размову» цалкам глядзіце на YouTube-канале «Белсат News».
Калаж з фота: Sergei Bobylev / TASS / Forum
