Скандалы пры дэмакратыях – ці натуральна гэта? Святлана Ціханоўская адправіць Валерыя Сахашчыка ў адстаўку і застанецца як прэзідэнт-элект Беларусі? Да чаго рыхтавацца беларусам у 2025 годзе? Спрачаюцца Павел Усаў і Юрый Губарэвіч. Новы «Двубой».
«Легітымнасць – тое, што патрабуе апоры на давер і маральна-псіхалагічную падтрымку вялікай колькасьці людзей. З кожным годам розныя прычыны (скандалы, несістэмнасць і неэфектыўнасць дзеянняў) аслабляюць пазітыўны вобраз і давер да апазіцыі, і гэты працэс будзе набіраць хаду», – лічыць Павал Усаў і прыводзіць прыклад з выказваннямі Валерыя Сахашчыка.
«Правядзенне рэгулярных, свабодных і справядлівых выбараў – тое, што адрознівае дэмакратыі ад дыктатураў. Іншая справа, што ў нестандартных умовах барацьбы за дэмакратыю кожнае дзеянне мусіць быць крокам наперад, а не паслабленнем», – заяўляе Юрась Губарэвіч і заклікае далучацца да выбараў у Каардынацыйную раду.
Аднак ці будуць гэта сапраўдныя выбары? І чаму 2025 год стане па-сапраўднаму знакавым для Беларусі? Адказы шукайце ў новым выданні праграмы «Двубой» з Віталём Цыганковым.
Госці праграмы «Двубой»:
- Юрый Губарэвіч, лідар Руху «За свабоду» і кандыдат у Каардынацыйную раду
- Павел Усаў, палітолаг.
Праграму «Двубой» глядзіце на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат News» або ў закладцы «Праграмы» на нашай старонцы.
