Міністэрства фінансаў ЗША увяло санкцыі супраць 17 падданых Саудаўскай Аравіі, датычных, на думку ведамства, да забойства журналіста Джамаля Хашогджы, якое адбылося ў Стамбуле.
Пад санкцыі патрапіў былы дарадца каралеўскага суда, палкоўнік выведкі, а таксама саудаўскі консул у Турэччыне.
У выніку санкцый будуць замарожаны любыя актывы гэтых людзей на тэрыторыі ЗША; амерыканскім грамадзянам забаронена супрацоўнічаць з імі.
15 лістапада пракуратура Саудаўскай Аравіі абвінаваціла ў забойстве Хашогджы 11 асобаў. Пяцёра з іх, на думку ведамства, павінны быць пакараныя смерцю.
Саудаўскі журналіст Джамаль Хашогджы, які пісаў для The Washington Post, быў знойдзены мёртвым у консульстве Саудаўскай Аравіі ў Стамбуле 2 кастрычніка. Турцыя заявіла, што журналіста забілі па загадзе саудаўскіх уладаў. Саудаўская Аравія прызнала забойства толькі праз два тыдні.
КА, belsat.eu
