25 сакавіка 2020 года ваенная авіяцыя і войскі супрацьпаветранай абароны Беларусі і паветраныя сілы Польшчы правядуць вучэнні па абмене інфармацыяй, паведамілі ў Міністэрстве абароны Беларусі.
Беларускія і польскія вайскоўцы будуць вучыцца сумесным дзеянням на выпадак інцыдэнтаў у паветранай прасторы і актаў паветранага тэрарызму.
У паведамленні адзначаецца, што мерапрыемства запланавана ў межах падрыхтоўкі да правядзення Чэмпіянату свету па хакеі ў 2021 годзе, які плануецца ў Беларусі і Латвіі, і Еўрапейскіх гульняў у 2023 годзе, якія пройдуць у польскім Кракаве.