Удзельнікі «Марша герояў» – пра гераізм і страх. 17 партрэтаў

Галоўнай падзеяй 13 верасня ў Беларусі сталі маштабныя «Маршы герояў» па ўсёй краіне супраць Аляксандра Лукашэнкі. Фатограф «Белсату» Ірына Арахоўская спытала ў некаторых удзельнікаў шэсця, ці лічаць яны сябе героямі. І сфатаграфавала іх.

Алесь і Любоў. Фота: Ірына Арахоўская / Belsat.eu

Алесь і Любоў

«Статкевіч і Севярынец – героі. Кожны з іх наш сябар. Спадзяемся, што хутка мы іх вызвалім. Мы яшчэ не героі, але да гэтага ўсё ідзе».

Константин Яковлев, главный тренер гандбольной команды «Витязь». Фото: Ирина Ареховская / Belsat.eu

Канстанцін Якаўлеў, галоўны трэнер гандбольнай каманды «Віцязь»

«Я герой і ўсё тут героі, хто выйшаў і не пабаяўся пасля затрыманняў нашых жонак, маці, дачок. Мы паказваем, што мы не баімся, спорт з народам!»

Андрэй. Фота: Ірына Арахоўская / Belsat.eu

Андрэй

«Які я герой? Героем з’яўляецца народ!»

Ілля, ратавальнік МНС. Фота: Ірына Арахоўская / Belsat.eu

Ілля, пажарны

«Хачу выказаць сваю прафесійную пазіцыю. Мы сталі сведкамі калі кіраўніцтва МНС спрабуе ўцягнуць супрацоўнікаў у палітычны канфлікт. Мне і маім калегам не важна які сцяг, не хачу каб нас падзялялі».

Юрый (у масцы дракона). Фота: Ірына Арахоўская / Belsat.eu

Юрый (у масцы дракона)

«Я герой, сёння ўсе героі. Сёння выходзяць толькі людзі смелыя. Таму я з усімі сваімі людзьмі і мне цёпла на душы, таму што мы разам».

Рыта (злева) і Дзмітрый. Фота: Ірына Арахоўская/ Belsat.eu

Рыта

«Я не ў той форме, каб быць героем» (смяецца).

Дзіма

«Героі тыя, хто перастаў баяцца. І такія людзі, якія паказваюць нам прыклад, як Марыя Калеснікава і Святлана Ціханоўская».

Юлія. Фота: Ірына Арахоўская/ Belsat.eu

Кацярына

«Мне сёння было страшна выходзіць. І цяпер у нейкай ступені страшна. Напэўна я таксама герой?»

Павел. Фота: Ірына Арахоўская / Belsat.eu

Павел (у касцы)

«Вось у нас у руках партрэты герояў. Я сам з Салігорску, працаваў на «Беларуськаліі», і я хачу падтрымаць сваіх калегаў. Гэта смелыя ўчынкі!»

Марына. Фота: Ірына Арахоўская / Belsat.eu

Марына

«Маша герой, безумоўна. І мы напэўна таксама. Дзяўчына, вы лепш частуйцеся!»

Аляксей. Фота: Ірына Арахоўская / Belsat.eu

Аляксей, выпускнік ВНУ

«Героі – усе хто змагаецца за праўду, усе хто змагаецца за свой голас. У будні многім даводзіцца хаваць сваю пазіцыю, а на выходных мы свабодна яе дэманструем. Да гэтых выбараў ніяк не ставіўся да палітыкі, тое, што я цяпер не застаюся ўбаку, – мне здаецца годным».

Раман і Насця. Фота: Ірына Арахоўская / Belsat.eu

Рома і Насця

«Усе героі, усе хто нешта робіць. МНС, лекары, тыя хто баніць Салаўёва ў ютубе… Нельга сказаць, што хтосьці адзін, усе мы разам робім гераічныя ўчынкі».

Марыя. Фота: Ірына Арахоўская / Belsat.eu

Марыя

«Герой – беларускі народ».

Святла і Таня. Фота: Ірына Арахоўская / Belsat.eu

Света і Таня

«Кожны герой. Асабліва героі тыя, хто выходзіць кожны дзень, а хтосьці нават падчас працы».

Юлія. Фота: Ірына Арахоўская / Belsat.eu

Юлія

«Зараз герой любы, хто не баіцца выказацца, падтрымаць. Ёсць нешта важнейшае чым страх, я адчула, што магу пераадольваць свой. Але бачу, што многія людзі робяць больш».

Удзельніца «Марша герояў» у масцы. Фота: Ірына Арахоўская / Belsat.eu

Дзяўчына ў масцы

«Новы герой – кожны неабыякавы беларус. Мы ўсё: Калеснікава, Цапкала, Бабарыка, Ціханоўская… А я не герой, я звычайны чалавек».

Іна. Фота: Ірына Арахоўская / Belsat.eu

Іна

«Гляджу на Машу і мне сорамна баяцца. Усе, хто гучна заявіў пра сваё супраць, яны героі».

Пратэсты супраць афіцыйных вынікаў прэзідэнцкіх выбараў працягваюцца ў Беларусі з 9 жніўня. За гэты час па ўсёй краіне былі затрыманыя больш за 10 тысяч чалавек. Некалькі тысяч затрыманых звярнуліся ў Следчы камітэт з заявамі на супрацьпраўныя дзеянні работнікаў МУС. Следчы камітэт не завёў ніводнай крымінальнай справы па фактах зваротаў грамадзян.

belsat.eu

Hавiны