У цэнтры Якуцка загарэўся гандлёвы цэнтр


Пажар распачаўся на трэцім паверсе гандлёвага цэнтру «Сахаэкспоцентр». Пра пацярпелых, або загінулых не паведамляецца.

Па словах відавочцаў, агонь пачаў палаць на трэцім паверсе і хутка распаўсюджваўся. Выратавальнікі, якія прыбылі на месца інцыдэнту выбілі вокны, але ў выніку гэта прывяло да ўзмацнення агню. Выратавальнікі вымушаныя ачапіць будынак, перакрыць бліжэйшую вуліцу.

Гандлёвы цэнтр «Сахаэкспоцентр» у траўні летась пасля праверкі на пажарную бяспеку быў зачынены. Пракуратура распачала расcледаванне ў сувязі з парушэннем тут нормаў супрацьпажарнай бяспекі. Уваходныя дзверы ў будынак былі апламбаваныя. Але суд у выніку адмовіў у завядзенні справы супраць уласніцы цэнтру. І цягам некалькіх тыдняў гандлёвы цэнтр аднавіў працу.

Яшчэ па гэтай тэме:

28 сакавіка ў Кемерава пачынаюць хаваць ахвяраў пажару ў гандлёвым цэнтры

 

СК, belsat.eu

Глядзі таксама
Каментары