Самалёт пасля жорсткай пасадкі ва Усінску.
Фота: t.me/bazabazon
«Boeing-737» расейскай авіякампаніі «UTAir» рэзка прызямліўся ў аэрапорце Усінску (Рэспубліка Комі). Пра гэта паведамляе тэлеграм-канал BAZA.
На борце лайнера знаходзіліся 94 чалавекі. Паводле папярэдніх звестак, два чалавекі пацярпелі падчас аварыйнай пасадкі.
Мяркуючы па фота з месца пасадкі, лайнер прызямліўся прама на жывот. На відэа, якое выпадкова зняў адзін з пасажыраў, бачна, як пасля прызямлення ў самалёта падламаліся заднія шасі.
Як паведамляе «Усинск Онлайн», людзі спакойна спусціліся з самалёту па трапах і пешшу пайшлі ў будынак аэравакзалу.
Hавiны
Пры пасадцы ў аэрапорце Стамбула разбіўся «боінг»
2020.02.05 18:16
На месца прыбылі працаўнікі МНС, бо з самалёту пачала выцякаць газа.
МГ belsat.eu
