Інстытут сацыяльнага аналізу і прагназавання Расейскай акадэміі народнай гаспадаркі і дзяржаўнай службы пры прэзідэнце РФ падлічыў колькасць грамадзян Беларусі, якія пражываюць на тэрыторыі Расеі.
Паводле інфармацыі даследавання, на 1 лютага 2019 года ў РФ жылі 650 238 грамадзян Беларусі. Гэта амаль на 132,5 тыс. чалавек больш, чым чатыры гады таму.
Адзначым, што гаворка ідзе менавіта пра грамадзян Беларусі, якія пражываюць у Расеі, а не пра этнічных беларусаў ці выхадцаў з нашай краіны з расейскім ці іншым грамадзянствам.
Пры гэтым стала ў Расеі ў 2018 годзе жыло толькі 7,2 тыс. беларусаў супраць 10,2 тыс. у 2012 годзе.
Увогуле адзначаецца ў даследаванні, такім нізкім, як у 2018 годзе міграцыйны прырост насельніцтва Расеі не быў ні ў адзін год постсавецкага перыяду.
МГ belsat.eu