У цэнтры Менску 22 кастрычніка прайшла акцыя пратэсту людзей з інваліднасцю. Гэта ўжо другі такі марш – першы адбыўся на мінулым тыдні.
Марш людзей з інваліднасцю ў Менску, 22 кастрычніка. Фота – belsat.eu
Больш за сотню людзей з інваліднасцю (некаторыя з бел-чырвона-белымі сцягамі) сабраліся на плошчы Незалежнасці і рушылі шэсцем па праспекце. Аўтамабілісты сігналілі ў падтрымку дэманстрантаў.
Каля будынкаў КДБ удзельнікі маршу скандавалі «Выпускай», «Свабоду палітвязням», «Трыбунал», а каля МУС – «Караева пад суд».
Марш людзей з інваліднасцю ў Менску, 22 кастрычніка. Фота – belsat.eu
На акцыі ў тым ліку прысутнічаў мужчына ў вазку, які стаў інвалідам пасля акцыі пратэсту 10 жніўня, калі побач з ім выбухнула святлошумавая граната.
Дэманстранты дайшлі да Кастрычніцкай плошчы, дзе пачалі разыходзяцца. Акцыя прайшла без затрыманняў.
ІІ belsat.eu
