У горадзе адбыўся першы агітацыйны пікет кандыдаткі ў прэзідэнты.
18 ліпеня ў Магілёве ініцыятыўная група Святланы Ціханоўскай ладзіць першы перадвыбарчы пікет у яе падтрымку. Пікет праходзіць у прысутнасці давераных асобаў і на адным з двух выдзеленых гарвыканкамам месцаў, што робіць яго цалкам законным. Пікет праходзіць ля Лядовага палацу.
Праз шматлікія заклікі ў сацыяльных сетках падцягнулася багата людзей. За першую гадзіну – некалькі соцень. Людзі прыйшлі, каб выказаць падтрымку штабу Святланы Ціханоўскай і штабам Валерыя Цапкалы і Віктара Бабарыкі.
Давераныя асобы Ціханоўскай прапанавалі ўсім ахвочым запісацца ў назіральнікі. А таксама прадставілі вольны мікрафон, каб усе маглі выказацца пра набалелае.
Вольга Васільева Belsat.eu