Міліцыя даведалася пра несумленную пасажырку ад ейнай сяброўкі.
Жанчына звярнулася да праваахоўнікаў пасля таго, як атрымала дакументы на аплату двух штрафаў за безбілетны праезд. У яе ёсць доказы таго, што ў час, пазначаны ў пратаколе, яна была ў іншым месцы.
Міліцыя пачала праверку, якая выявіла, што жанчына згубіла пашпарт у гасцях у сяброўкі. І замест таго, каб аддаць дакумент, знаёмая пакінула яго сабе і карысталася прынамсі двойчы ў грамадскім транспарце.
Супраць жанчыны распачалі крымінальную справу за выкарыстанне падробленых дакументаў. Ёй можа пагражаць да двух гадоў турмы.
ДР belsat.eu