Экс-палкоўнік ГРУ Сяргей Скрыпаль выпісаны з лякарні, паведамляе Нацыянальная служба аховы здароўя Брытаніі.
Ягоную дачку Юлію выпісалі яшчэ 9 красавіка.
Сяргей і Юлія Скрыпалі былі атручаны ў брытанскім горадзе Солсберы 4 сакавіка. Брытанскія ўлады лічаць, што супраць іх прымянілі нервова-паралітычнае рэчыва «Навічок», а за нападам з высокай верагоднасцю стаіць Расея.
У адказ Лондан выслаў 28 расейскіх дыпламатаў. У сваю чаргу, Крэмль адхіляе ўсе абвінавачанні.
КА, belsat.eu, паводле bbc.com
