У ноч на 18 траўня каля інтэрнату на алеі Саулецекё ў Вільні знайшлі цела студэнткі 2-га курсу Еўрапейскага гуманітарнага ўніверсітэту Вікторыі Грынкевіч. Дзяўчына была з Беларусі і вучылася ў літоўскай сталіцы на праграме «Медыі і камунікацыі», перадае карэспандэнт belsat.eu у Вільне. У ЕГУ смерць студэнткі пацвердзілі і распавялі, што студэнцкая супольнасць у жалобе.
Відавочцы трагедыі кажуць, што гэта не самагубства. Паводле іх словаў, дзяўчына вырашыла паказаць сваю смеласць, устала на зэдлік – з яго на край балкона, аднак не ўтрымалася і ўпала.
Высветлілася, што перад гэтым дзяўчына піла віно.
«Трагедыя са студэнткай здарылася на падставе няшчаснага выпадку. Супольнасць універсітэту ў жалобе», – распавялі «Белсату» у прэсавай службай ЕГУ.
Цяпер паліцыя высвятляе абставіны здарэння.
ДД belsat.eu