4 студзеня надвор’е ў Беларусі будзе вызначаць няўстойлівая паветраная маса, якая паступае з Балтыйскага мора. Ноччу ў многіх раёнах, днём месцамі, невялікі кароткачасовы снег. На асобных участках дарог галалёдзіца.
Тэмпература паветра мінімальная ноччу -3 – 8 градусаў, максімальная днём -1 – 6. Атмасферны ціск уначы будзе слаба расці, днём пачне слаба падаць, паведамляе Белгідрамет.
5 студзеня ўмовы надворʼя будзе вызначаць паўднёвы цыклон. Чакаецца перавага хмарнага надворʼя. У многіх раёнах снег, мокры снег. Месцамі слабая мяцеліца, днём па захадзе слабы галалёд. На асобных участках дарог галалёдзіца. Вецер заходняй чвэрці 5-10 м / с, парывы да 12 м / с. Тэмпература паветра мінімальная ноччу -4 – 11, па захадзе краіны -1 – 3 градусы, максімальная тэмпература днём ад -6, па паўночным усходзе да + 2 па захадзе краіны.
6 студзеня адабʼецца ўплыў тылавой часткі цыклону, які сыходзіць з нашай тэрыторыі на поўдзень Украіны. Чакаецца воблачнае неба, па поўначы з праясненнямі. Ноччу і раніцай на большай частцы тэрыторыі Беларусі, днём месцамі па краіне кароткачасовы снег. На асобных участках дарог галалёдзіца. Вецер паўночна-ўсходні ўмераны. Тэмпература паветра на працягу сутак -4 – 10, ноччу па паўночным усходзе -11 – 13 градусаў.
СК, belsat.eu
