Сілавікі затрымалі аўтара каналу «Мозырь для жизни»

У Беларусі працягваюцца затрыманні людзей з каманды патэнцыйнай кандыдаткі на прэзідэнцтва Святланы Ціханоўскай.

5 чэрвеня ў Мазыры сілавікі ў масках затрымалі Аляксандра Цуканава, аўтара тэлеграм-каналу «Мозырь для жизни», паведаміў у Facebook прэс-сакратар Святланы Ціханоўскай Аляксандр Кабанаў.

«І такія паведамленні становіцца штодзённымі. Тэрор па ўсёй краіне», – адзначыў ён.

https://www.facebook.com/permalink.php?story_fbid=1373304199724577&id=100011350304368

Праваабарончы цэнтр «Вясна» таксама паведамляе пра затрыманне ў Лідзе актывіста «Народнай грамады» з Горадні Уладзіміра Арцымана. Падрабязнасці затрымання высвятляюцца.

Нагадаем, што сёння таксама ў Магілёве была асуджаная ўдзельніца сустрэчы з Сяргеем Ціханоўскім 5 траўня.

МГ belsat.eu

Hавiны