Стала вядома, што Швейцарыя пашырыла санкцыйны спіс супраць грамадзянаў Беларусі, адказных за фальшаванне выбараў і гвалт супраць грамадзянаў, перадае ТАСС.
Сёння, 11 снежня, урад Швейцарыі пашырыў санкцыйны ліст супраць афіцыйнага Менску. Туды ўвайшлі імёны яшчэ 15 чалавек, сярод якіх Аляксандр Лукашэнка і ягоны сын Віктар, а таксама чальцы Савету Бяспекі.
Гаворка ідзе пра замарожванні рахункаў у швейцарскіх банках, а таксама ў забароне ўезду ў краіну.
«Пашыраючы санкцыі, Швейцарыя раўняецца на рашэнні, прынятыя 6 лістапада Еўрапейскім саюзам», – гаворыцца ў афіцыйным паведамленні.
Таксама швейцарскі ўрад забараніў пастаўляць у Беларусь ваенныя матэрыялаў, якія «могуць быць выкарыстаны для рэпрэсіяў». Еўразвяз увёў такое эмбарга ў 2011 годзе, але Швейцарыя, якая не ўваходзіць у ЕЗ, да гэтага часу ў значнай ступені абапіралася на нацыянальнае заканадаўства.
- У кастрычніку Швейцарыя ўвяла санкцыі супраць 40 афіцыйных асобаў з Беларусі.
- Раней Еўразвяз ужо ўвёў два пакеты санкцыяў супраць беларускіх чыноўнікаў. У хуткім часе мусіць быць прыняты трэці пакет, які ўдарыць па бізнесах, набліжаных да Лукашэнкі.
КТ belsat.eu
