Жыхары Жодзіна назіраюць за шэсцем работнікаў БелАЗу з балкона кватэры. Жодзіна, Беларусь. 26 жніўня 2020 года.
Фота: Аліса Ганчар / Белсат
26 жніўня ў Жодзіне адбылося шэсце работнікаў Беларускага аўтамабільнага завода ў падтрымку працоўных-страйкоўцаў і пацярпелых ад міліцэйскага самавольства.
Маршрут пралягаў ад цэнтральнай прахадной прадпрыемства праз алею ліхтароў на праспекце Міру і вуліцы 50 гадоў Кастрычніка да крамы Green. Падчас акцыі рабочыя БелАЗу агучылі свае патрабаванні да кіраўніцтва заводу і ўладаў. Людзі скандавалі «Сыходзь!», «Лукашэнка ў аўтазак!» і «Жыве Беларусь!».