У сваім звароце да Федэральнага сходу кіраўнік Расеі заявіў, што ў Крамлі лічаць правільным развіваць супрацу ў межах Саюзнай дзяржавы Расеі і Беларусі.
«Лічым правільным актыўна паглыбляць узаемадзеянне ў межах Саюзнай дзяржавы Расеі і Беларусі, у тым ліку больш цесную каардынацыю ў вонкавапалітычнай сферы, у эканоміцы», – сказаў ён.
У сераду Уладзімір Пуцін у пятнаццаты раз звярнуўся з пасланнем да Федэральнага сходу. Яно цягнулася 1 г 40 хв і было на чвэрць гадзіны карацейшае за леташняе.
Расейскія медыі называюць зварот «стратэгічным дакументам».
ДД