Наш тэлеканал прэзентуе новую аўтарскую праграму.
Паэтка Валярына Кустава зноў інтрыгуе. На «Белсаце» з новага году – ейная аўтарская перадача «Прыват». Валярына зашчыруе перад гледачамі сваймі таямніцамі і распытае пра жыццёвыя сакрэты пераадоленняў сваіх суразмоўцаў. Героі праграмы распавядуць пра тое, чым яны не дзеляцца нават з сябрамі на Facebook. «Прыват» – душэўна пра чалавечыя душы.
Любіце прыватныя гісторыі без падману?
Шчыра. Нечакана. Правакацыйна. Незвычайна і вельмі-вельмі пазітыўна.
Хто сказаў, што беларусы закамплексавана-закрытыя людзі? Валярына здзяйсняе цуды. Яна разгаворыць самых зацятых маўчуноў. Раскрые душы і паспрыяе таму, што нават самыя скрытныя і недаверлівыя падзеляцца тымі гісторыямі, якія не расказвалі ні блізкім сябрам, ні жонкам, ні каханкам, і ні святарам.
Ламаем стэрэатыпы! Раскрываем тэмы блізкія ўсім беларусам праз нечаканыя ракурсы прыватных гісторый і досведаў. У кожнай асаблістай гісторыі выяўляем яркую і хвалюючую тэму.
Такіх беларусаў і такой Беларусі Вы яшчэ не бачылі!
Хутка ў эфіры «Белсату» Валярына і яе «Прыват».
Глядзіце! Здзіўляйцеся! Натхняйцеся!
Вы можаце стаць героем, экспертам ці сустваральнікам праграмы.
«Прыват» на Facebook ды УКантакце.
Фота Ягор Бабій
