Прэзідэнт Калумбіі Іван Дуке параўнаў рэжым прэзідэнта Венесуэлы Нікаляса Мадура з ракавай пухлінай, ад якой пакутуе ўся Венесуэла. Пра гэта ён заявіў падчас інтэрв’ю тэлекампаніі CNN.
«Дыктатура Мадура – гэта ракавая пухліна на целе Венесуэлы. Дыктатура, якая знішчыла незалежныя галіны ўлады, рынкавую эканоміку, дыктатура, з-за якой збяднеў народ, якая давяла венесуэльцаў да голаду. Сусветная супольнасць усвядоміла, што адзіны спосаб вылечыць Венесуэлу, выратаваць яе, аднавіць яе – прымусіць Мадура сысці», – сказаў Дуке.
На думку кіраўніка Калумбіі, адміністрацыя Мадура «ужо аганізуе».
«Лічу, што Нікаляс Мадура – гэта чалавек, які здзейсніў злачынства супраць чалавецтва. Сёння я мяркую, што ў Венесуэле ёсць адзін легітымны прэзідэнт – Хуан Гуаідо», – дадаў Дуке.
СК, belsat.eu
