Дэпутаты Палаты прадстаўнікоў прынялі ў першым чытанні праект закону аб рэспубліканскім бюджэце на 2015 год. Як на яго фармаванне паўплывала нестабільнасць у расейскай эканоміцы, а таксама будучыя выбары прэзідэнта Беларусі?
У беларускім бюджэце ёсць стратэгія фармавання ад выніковых паказнікаў, патлумачыў эканаміст Аляксандр Сінкевіч. Для нашай краіны такім вынікам з’яўляецца пошук замежных крэдытаў, бо эканоміка Беларусі не першы год знаходзіцца ў стагнацыі. Каб атрымаць крэдыты, улады мусяць праводзіць жорсткую грашова-крэдытную палітыку і прытрымлівацца рэжыму ашчаджання.
«Таму ў бюджэт закладзеныя менавіта гэтыя пасылы, ён звярстаны ў рэжыме эканоміі, хоць закладзеныя пэўныя выдаткі на сацыяльную сферу дзеля прэзідэнцкіх выбараў, напярэдадні якіх знаходзіцца краіна», – заўважыў адмысловец.
МЯ, belsat.eu