Султан Аману Кабус бін Саід, які памёр 10 студзеня, дапамагаў ЗША і Ірану ў перамовах 2013-га года, якія завяршыліся ў 2015 годзе ядравай здзелкай з Тэгеранам, падае «Reuters».
Міністр замежных спраў Ірану Махамад Джавад Зарыф ужо заявіў, што смерць Кабуса была стратаю для рэгіёна.
Паводле спецыяліста ў міжнароднай палітыцы Іллі Кусы, Кабус быў адным з самых эфектыўных перамоўнікаў на ўсім Блізкім Усходзе.
«Аман да сённяшняга дня ёсць адной з асноўных пляцовак для мірных – нефармальных і афіцыйных – перамоваў па сітуацыі ў Емене, па ізраільска-палестынскаму канфлікту, па Саудаўскай-катарскаму супрацьстаянню і па дыялогу ў трыкутніку Сірыя–ЗША–Іран», – напісаў Куса.
Эксперт пацвярджае, што менавіта Кабус быў ключавой фігурай у паспяховых перамовам ЗША з Іранам, якія скончыліся падпісаннем ядравага пагаднення ЗША, Францыі, Вялікай Брытаніі, Кітаю і Расеі з Тэгеранам у 2015 годзе.
Султан Аману Кабус бін Саід памёр у пятніцу, 10 студзеня, пасля амаль пяцігадовага змагання з ракам. Ён быў адным з самых працяглых кіраўнікоў дзяржаваў на Блізкім Усходзе, кіруючы Аманам з 1970 году.
Апошняй ягонай міратворчая місіяй былі мірныя перамовы вакол вайны ў Емене, якія завяршыліся падпісаннем у Стакгольме ў 2018 годзе першага ў гісторыі канфлікту пагаднення аб перамірʼі.
Быць у баку ад рэгіянальных канфліктаў Аману дапамагала таксама геаграфія: буферы ў выглядзе пустэчы з аднаго боку, Індыйскі акіян – з другога.
Згодна з воляю памерлага, новым султанам Аману стаў 65-гадовы Хайсам бін Тарэк, стрыечны брат Кабуса, які з 2002 года займаў пасаду міністра спадчыны і культуры.
ДД belsat.eu