Указ кіраўніка краіны № 490 «Аб мытным рэгуляванні» дае дазвол на рэалізацыю тавараў у Нацыянальным аэрапорце «Менск» пры ўездзе ў Беларусь. Акрамя таго бязмытны гандаль дазваляецца на бартах самалётаў беларускіх авіякампаніяў, што ажыццяўляюць міжнародныя перавозкі.
Раней адкрываць крамы Duty Free на ўездзе ў Беларусь дазволілі ў аўтадарожных пунктах пропуску.
Акрамя таго новы ўказ прадугледжвае шэраг спрашчэнняў для мытных прадстаўнікоў, рэзідэнтаў СЭЗ і Кітайска-Беларускага індустрыяльнага парку.
Указам дазволена перасоўванне тэхналагічнага абсталявання, сыравіны і матэрыялаў, што ўвозяцца для рэалізацыі інвестыцыйных праектаў, якія адпавядаюць прыярытэтным відах дзейнасці, без прадстаўлення забеспячэння выканання абавязку па выплаце мытных плацяжоў з наступнай падачай дэкларацыі.
СК, belsat.eu