Мужчыну не спадабалася, што яна хацела забраць у яго дзіця.
Здарэнне адбылося ў пасёлку Прывольны пад Менскам. Паводле Менскага РУУС, мясцовая жыхарка паведаміла пацярпелай, што бацькі аднаго з ейных выхаванцаў моцна п’яныя, і дзіця засталося без належнага нагляду.
Педагог адправілася па адрасе, дзе жыве сямʼя. Пабачыўшы нецвярозых бацькоў, яна хацела забраць дзіця, але мужчына пачаў пагражаць, прынёс каністру і пачаў яе абліваць. Ён папярэдзіў, што калі выхавальніца не сыдзе, то ён яе спаліць, і дастаў з кішэні запалкі. Жанчына выбегла на вуліцу і выклікала міліцыю.
У каментары belsat.eu жанчына распавяла, што цяпер трывае разгляд, таму каментаваць справы яна не можа.
«Але са мной усё нармальна. І з дзіцём таксама».
Мужчыну затрымалі. Супраць яго распачалі крымінальную справу за пагрозу забойства, за што можа пагражаць да двух гадоў турмы.
ДР belsat.eu
