На расейскім тэлеканале НТВ з 3 траўня распачнецца новае шоў «Магія», вядоўцам якой з’яўляецца абраны прэзідэнтам Украіны Уладзімір Зяленскі. Анонс праграмы апублікаваны на сайце НТВ.
У анонсе да праграмы адзначаецца, што нядаўна абраны прэзідэнт Украіны Уладзімір Зяленскі заўсёды ведаў сэнс фокусаў!
Піша пра новае шоў і расейская газета «Камерсант». Выданне тлумачыць, што насамрэч тэлешоў было запісана яшчэ ў 2011 годзе, яго стварэннем займалася расейская кампанія «Вайт Медыя» для тэлеканалу «Расея 1». Разам з Зяленскім вядоўцам выступае і Таццяна Лазарава.
Адметна, што Таццяна Лазарава адначасова зʼяўлялася ў 2012 годзе вядоўцай аналагічнай праграмы «Магія» на ўкраінскім тэлеканале 1+1. Час здымкаў праграмы як для расейскага тэлебачання, так і для ўкраінскага пазначаецца як лістапад 2011 году.
У праграме як на расейскім, гэтак і на украінскім ТБ аднолькавая сцэнаграфія. У якасці журы выступаюць таксама аднолькавыя эксперты: Вікторыя Кіо і цыркавы режысёр Валянцін Гнеўшаў.
СК belsat.eu