Вугорскі прэм’ер Віктар Орбан заявіў, што вугорцы больш не дадуць грошай на падтрымку Украіны і запатрабаваў справаздачы аб тым, куды пайшлі ўсе папярэднія грошы.
Выступаючы ў радыёэфіры, Віктар Орбан падкрэсліў: «Зразумела адно: мы, вугорцы, не дадзім больш грошай Украіне, пакуль яны не скажуць, куды дзеліся каля 70 мільярдаў еўра».
Пры гэтым вугорскі прэм’ер адзначыў, што лічыць «абсалютна смешным і абсурдным тое, што мы [вугорцы] павінны ўносіць больш грошай на фінансаванне расходаў на абслугоўванне доўгу па крэдыту, ад якога мы дасюль не атрымалі сродкаў, якія нам належаць».
Трэба адзначыць, што Еўракамісія заблакавала грошы на ўзнаўленне для Вугоршчыны і Польшчы з фонду, які фінансуецца за кошт папярэдняга сумеснага крэдыту еўрапейскіх краін. Прычынай стала тое, што ўрады гэтых краін абвінавачваюцца ў нанясенні ўрону дэмакратыі і верхавенству права.
Раман Шавель belsat.eu